Ari Freyr tryggði Sundsvall sigur með frábæru aukaspyrnumarki

Ari Freyr Skúlason skoraði sigurmark GIF Sundsvall í 3-2 útisigri á IK Brage í sænsku b-deildinni í dag.

Markið skoraði Ari Freyr beint úr aukaspyrnu af vítateigslínunni. Aukaspyrnan var fyrir miðju marki og Ari skrúfaði boltann framhjá varnarveggnum og í markið.

Ari Freyr skoraði markið mikilvæga aðeins þremur mínútum fyrir leikslok en liðið er í 2. sæti deildarinnar aðeins einu stigi á eftir IFK Norrköping FK.

Ari Freyr lék allan leikinn og Hannes Þ. Sigurðsson var einnig í byrjunarliðinu en var skipt útaf á 77. mínútu í stöðunni 2-1 fyrir Brage.