Eyjamenn vísa ásökunum um fjárhagsvandræði á bug

Elliði Vignisson bæjarstjóri í Vestmannaeyjum gagnrýnir harðlega þau vinnubrögð Eftirlitsnefndar með fjármálum sveitarfélaga, að setja Vestmannaeyjar í hóp sveitarfélaga í alvarlegum fjárhagsvanda, og hefur óskað eftir fundi með nefndinni til að leiðrétta það.

Elliði bendir á að að rekstur Vestmannaeyjabæjar hafi verið jákvæður þrjú ár í röð, þar af um 330 milljónir í fyrra. Bærinn hafi ekki tekið nein ný lán hjá lánastofnunum í fimm ár, greitt niður skuldir um tvo og hálfan milljarð á tveimur árum og verði skuldlaus við lánastofnanir eftir sjö ár.

Bærinn hafi því ekki við neinn fjárhagsvanda að stríða og þurfi ekki að grípa til neinna aðgerða.