Allegri kemur fram við Ronaldinho eins og barn

Fyrrum æðsti prestur hjá Juventus, Luciano Moggi, er ekki hrifinn af  því hvernig þjálfari AC Milan, Massimiliano Allegri, fer með  Brasilíumanninn Ronaldinho.

Moggi segir skort á virðingu í samskiptum þjálfarans við leikmanninn  og hann segir Allegri koma fram við Ronaldinho eins og barn.

Brassinn hefur misst sæti sitt í liðinu og hefur fengið þau skilaboð  að hann þurfi að djamma minna og æfa meira.

"Ég skil ekki af hverju Ronaldinho spilaði aðeins þrjár mínútur í  síðasta leik. Allegri getur ekki komið svona fram við hann.  Ronaldinho er sigurvegari en ekki barn," sagði Moggi.