Umfjöllun: Úti er best Henry Birgir Gunnarsson í DHL-höllinni skrifar 15. apríl 2010 21:00 Snæfellingar fagna sigri í kvöld. Mynd/Arnþór Snæfell er komið í lokaúrslit Iceland Express-deildar karla eftir sigur á KR í rafmögnuðum oddaleik liðanna í DHL-höllinni í Vesturbænum. Lokatölur 83-93 fyrir Snæfell. Allir leikir liðanna enduðu með útisigri sem er ótrúleg staðreynd. Það var gjörsamlega troðfullt hús á leiknum og svakaleg stemning fyrir leik. Yfir 1.000 manns mættir þegar enn voru 45 mínútur í leik. Það var ekki að sjá á leikmönnum í upphafi leiks að taugaspennan væri yfirþyrmandi. Bæði lið hittu ágætlega í upphafi og sóknarleikurinn að renna ágætlega. Vörn Snæfells var á undan að smella saman og í kjölfarið náði liðið smá forskoti í leiknum. 9-15 þegar 4 mínútur voru eftir af leikhlutanum og KR tók leikhlé. Leikhlutinn leystist síðan upp í þriggja stiga skotkeppni þar sem bæði lið röðuðu niður þristum. Við það hélt Snæfell níu stiga forskot, 21-30 fyrir Snæfell. Góðu tíðindin fyrir KR var að Brynjar var loksins að hitta úr þriggja stiga skotunum sínum en Morgan Lewis komst ekki á blað. Hjá Snæfelli var Jón Ólafur heitur og Berkis hélt uppteknum hætti í DHL-höllinni og setti flest sín skot niður. KR gekk ekkert að finna lausnir til þess að stöðva sóknarleik Snæfells og það segir sína sögu hversu slök vörn KR-inga var í fyrri hálfleik að Snæfell skoraði 54 stig. Tek reyndar ekkert af Snæfell sem spilaði frábæran sóknarleik með Sigurð Þorvaldsson í fararbroddi en KR-ingar vissu ekkert hvernig þeir áttu að stöðva hann. Sóknarleikur KR var ekki alslæmur en varnarleikinn urðu þeir að laga til þess að eiga möguleika í síðari hálfleik. 43-54 fyrir Snæfell í leikhléi. KR-ingar mættu svo sannarlega ekki til síðari hálfleiks með neinar lausnir því Snæfell hélt áfram að yfirspila þá og bilið á milli liðanna breikkaði með hverri mínútu. Mótlætið fór í taugarnar á KR-ingum sem voru orðnir afar pirraðir. Í stöðunni 46-62 ákvað Páll Kolbeinsson, þjálfari KR, að taka leikhlé og róa sína menn og veitti ekki af. Það gekk allt á afturfótunum hjá KR og liðið var varla að setja niður vítaskot. Þegar aðeins einn leikhluti var eftir var Snæfell nánast búið að klára leikinn enda með 20 stiga forskot, 53-73. KR-ingar neituðu samt að gefast upp og komu með látum inn í fjórða leikhluta. Eftir rúma mínútu voru þeir búnir að minnka muninn í 13 stig, 60-73. Þá tók Ingi Þór, þjálfari Snæfells, leikhlé. Skarphéðinn Ingason var sjóðheitur í liði KR, setti niður tvær þriggja stiga körfur og munurinn tíu stig, 65-75. Það ætlaði allt um koll að keyra í DHL-höllinni, allir staðnir upp og þakið var við það rifna af húsinu er Morgan Lewis bauð upp á lygilega viðstöðulausa troðslu, 67-75 og rúmar 7 mínútur eftir. Hlynur Bæringsson var eini leikmaður Snæfells sem var ekki að brotna og hann skoraði tvær körfur sem róuðu aðeins taugar gestana. Morgan Lewis setti þá niður tvo þrista og minnkaði muninn í sex stig, 73-79. Þá var komið að Pavel að setja þrist. 76-79 og 5 mínútur eftir. Lewis minnkaði síðan muninn í eitt stig, 78-79, og ekki einn maður í húsinu sat lengur. Ég er ekki frá því að ég hafi séð mann í hjólastól standa upp. Ótrúleg stemning í takti við þessa lygilegu endurkomu KR-inga. Það fór gjörsamlega allt niður hjá KR á meðan Snæfell virtist ekki geta keypt körfu. Lokamínútur leiksins voru rafmagnaðar. Í stöðunni 80-82 virtust bæði lið vera að fara á taugum því þau gerðu klaufaleg mistök og voru í vandræðum með að skora. Þá braut Pálmi Freyr ísinn fyrir Snæfell og leikmenn liðsins náðu að halda ró sinni undir lokin og gekk vel á vítalínunni. Þar kláruðu þeir leikinn og Snæfell er verðskuldað komið í úrslit. Sigurður Þorvaldsson var magnaður í liði Snæfells í kvöld og KR-ingar vissu lengstum ekkert hvað þeir áttu að gera gegn honum. Hinn ódrepandi baráttuandi Hlyns smitaði út frá sér. Hann skoraði einnig góð stig og varði boltann á mikilvægum augnablikum. Martins Berkis vill eflaust spila alla sína leiki í DHL-höllinni því þar er hann ávallt magnaður. KR-liðið fór allt of seint í gang og átti ekki skilið að vinna að þessu sinni. Morgan og Brynjar of seinir í gang og Pavel náði aldrei neinum takti í sinn leik. Lykilmenn KR brugðust einfaldlega of oft í þessari rimmu og ekki bætti úr skák að Tommy Johnson var hreint grátlega lélegur og gerði flest annað en að vinna fyrir kaupinu sínu. Ég efast um að hann fái aftur vinnu á Íslandi. KR-Snæfell 83-93 (43-54) Stig KR: Morgan Lewis 17, Brynjar Þór Björnsson 15, Skarphéðinn Freyr Ingason 15, Pavel Ermolinskij 14 (13 fráköst, 7 stoðs.), Finnur Atli Magnússon 8, Tommy Johnson 5, Fannar Ólafsson 4, Jón Orri Kristjánsson 3, Darri Hilmarsson 2.Stig Snæfells: Sigurður Á. Þorvaldsson 28 (9 frák.), Martins Berkis 16, Hlynur Bæringsson 15 (9 fráköst, 3 varin skot), Jón Ólafur Jónsson 12, Pálmi Freyr Sigurgeirsson 9, Sean Burton 8 (8 stoðs.), Emil Þór Jóhannsson 5. Dominos-deild karla Mest lesið Segja Sölva hæðast að Bröndby Fótbolti Segir hetju Evrópumeistaranna ljúga Fótbolti Fór holu í höggi í beinni í sjónvarpinu Golf Enska augnablikið: Mætti sköllóttur á Old Trafford Enski boltinn Fékk flugeld í punginn í leik Fótbolti Slagsmál stuðningsmanna fyrir utan Ölver: „Allir með grímu fyrir andlitið og réðust á okkur“ Fótbolti Fékk rautt spjald fyrir að toga í hár mótherja Íslenski boltinn Enska augnablikið: Grætti barnið en var slétt sama Enski boltinn Nunez farinn frá Liverpool Enski boltinn Hafþór Júlíus í öðru sæti eftir fyrri daginn Sport Fleiri fréttir Stelpurnar spila um sjöunda sætið á Eurobasket „Þeir eiga allir skilið að fara í lokahópinn“ Stelpurnar Norðurlandameistarar og strákarnir fengu silfur Þýskaland lagði Slóvena í undirbúningi fyrir Eurobasket Celtics festa þjálfarann í sessi NBA stjarna borin út Litáen of stór biti fyrir íslensku stelpurnar Öruggar með besta árangur Íslands á EM frá upphafi Ákærður fyrir að hnupla treyju LeBron sem seldist seinna á nær hálfan milljarð Ísland í átta liða úrslit eftir ótrúlega endurkomu Dildó-faraldurinn heldur áfram í WNBA Sigtryggur Arnar í mjög fámennan hóp í sögu landsliðsins „Hættiði að henda dildóum inn á völlinn“ Stórskotasýning Sigtryggs dugði ekki til sigurs Trúðurinn Arenas í vondum málum eftir handtöku Grindavík fær leikstjórnanda frá Grikklandi Stórt tap á Ítalíu Ísland mátti þola stórt tap Luka framlengir til þriggja ára í Los Angeles Fékk vægt áfall: „Með fullt af missed calls“ Stjórnendur NBA reyna að sannfæra Real Madrid og fleiri forrík félög KR sækir ungan bakvörð „Sýna að maður eigi það skilið“ Segir að þeim besta í heimi sé skítsama Álftanes bætir Bandaríkjamanni við hópinn „Númer eitt, tvö og þrjú að knúsa þau sem mest“ Callum Lawson aftur til Valsmanna Þrír verða heima meðan landsliðið fer til Ítalíu Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Semple til Grindavíkur Sjá meira
Snæfell er komið í lokaúrslit Iceland Express-deildar karla eftir sigur á KR í rafmögnuðum oddaleik liðanna í DHL-höllinni í Vesturbænum. Lokatölur 83-93 fyrir Snæfell. Allir leikir liðanna enduðu með útisigri sem er ótrúleg staðreynd. Það var gjörsamlega troðfullt hús á leiknum og svakaleg stemning fyrir leik. Yfir 1.000 manns mættir þegar enn voru 45 mínútur í leik. Það var ekki að sjá á leikmönnum í upphafi leiks að taugaspennan væri yfirþyrmandi. Bæði lið hittu ágætlega í upphafi og sóknarleikurinn að renna ágætlega. Vörn Snæfells var á undan að smella saman og í kjölfarið náði liðið smá forskoti í leiknum. 9-15 þegar 4 mínútur voru eftir af leikhlutanum og KR tók leikhlé. Leikhlutinn leystist síðan upp í þriggja stiga skotkeppni þar sem bæði lið röðuðu niður þristum. Við það hélt Snæfell níu stiga forskot, 21-30 fyrir Snæfell. Góðu tíðindin fyrir KR var að Brynjar var loksins að hitta úr þriggja stiga skotunum sínum en Morgan Lewis komst ekki á blað. Hjá Snæfelli var Jón Ólafur heitur og Berkis hélt uppteknum hætti í DHL-höllinni og setti flest sín skot niður. KR gekk ekkert að finna lausnir til þess að stöðva sóknarleik Snæfells og það segir sína sögu hversu slök vörn KR-inga var í fyrri hálfleik að Snæfell skoraði 54 stig. Tek reyndar ekkert af Snæfell sem spilaði frábæran sóknarleik með Sigurð Þorvaldsson í fararbroddi en KR-ingar vissu ekkert hvernig þeir áttu að stöðva hann. Sóknarleikur KR var ekki alslæmur en varnarleikinn urðu þeir að laga til þess að eiga möguleika í síðari hálfleik. 43-54 fyrir Snæfell í leikhléi. KR-ingar mættu svo sannarlega ekki til síðari hálfleiks með neinar lausnir því Snæfell hélt áfram að yfirspila þá og bilið á milli liðanna breikkaði með hverri mínútu. Mótlætið fór í taugarnar á KR-ingum sem voru orðnir afar pirraðir. Í stöðunni 46-62 ákvað Páll Kolbeinsson, þjálfari KR, að taka leikhlé og róa sína menn og veitti ekki af. Það gekk allt á afturfótunum hjá KR og liðið var varla að setja niður vítaskot. Þegar aðeins einn leikhluti var eftir var Snæfell nánast búið að klára leikinn enda með 20 stiga forskot, 53-73. KR-ingar neituðu samt að gefast upp og komu með látum inn í fjórða leikhluta. Eftir rúma mínútu voru þeir búnir að minnka muninn í 13 stig, 60-73. Þá tók Ingi Þór, þjálfari Snæfells, leikhlé. Skarphéðinn Ingason var sjóðheitur í liði KR, setti niður tvær þriggja stiga körfur og munurinn tíu stig, 65-75. Það ætlaði allt um koll að keyra í DHL-höllinni, allir staðnir upp og þakið var við það rifna af húsinu er Morgan Lewis bauð upp á lygilega viðstöðulausa troðslu, 67-75 og rúmar 7 mínútur eftir. Hlynur Bæringsson var eini leikmaður Snæfells sem var ekki að brotna og hann skoraði tvær körfur sem róuðu aðeins taugar gestana. Morgan Lewis setti þá niður tvo þrista og minnkaði muninn í sex stig, 73-79. Þá var komið að Pavel að setja þrist. 76-79 og 5 mínútur eftir. Lewis minnkaði síðan muninn í eitt stig, 78-79, og ekki einn maður í húsinu sat lengur. Ég er ekki frá því að ég hafi séð mann í hjólastól standa upp. Ótrúleg stemning í takti við þessa lygilegu endurkomu KR-inga. Það fór gjörsamlega allt niður hjá KR á meðan Snæfell virtist ekki geta keypt körfu. Lokamínútur leiksins voru rafmagnaðar. Í stöðunni 80-82 virtust bæði lið vera að fara á taugum því þau gerðu klaufaleg mistök og voru í vandræðum með að skora. Þá braut Pálmi Freyr ísinn fyrir Snæfell og leikmenn liðsins náðu að halda ró sinni undir lokin og gekk vel á vítalínunni. Þar kláruðu þeir leikinn og Snæfell er verðskuldað komið í úrslit. Sigurður Þorvaldsson var magnaður í liði Snæfells í kvöld og KR-ingar vissu lengstum ekkert hvað þeir áttu að gera gegn honum. Hinn ódrepandi baráttuandi Hlyns smitaði út frá sér. Hann skoraði einnig góð stig og varði boltann á mikilvægum augnablikum. Martins Berkis vill eflaust spila alla sína leiki í DHL-höllinni því þar er hann ávallt magnaður. KR-liðið fór allt of seint í gang og átti ekki skilið að vinna að þessu sinni. Morgan og Brynjar of seinir í gang og Pavel náði aldrei neinum takti í sinn leik. Lykilmenn KR brugðust einfaldlega of oft í þessari rimmu og ekki bætti úr skák að Tommy Johnson var hreint grátlega lélegur og gerði flest annað en að vinna fyrir kaupinu sínu. Ég efast um að hann fái aftur vinnu á Íslandi. KR-Snæfell 83-93 (43-54) Stig KR: Morgan Lewis 17, Brynjar Þór Björnsson 15, Skarphéðinn Freyr Ingason 15, Pavel Ermolinskij 14 (13 fráköst, 7 stoðs.), Finnur Atli Magnússon 8, Tommy Johnson 5, Fannar Ólafsson 4, Jón Orri Kristjánsson 3, Darri Hilmarsson 2.Stig Snæfells: Sigurður Á. Þorvaldsson 28 (9 frák.), Martins Berkis 16, Hlynur Bæringsson 15 (9 fráköst, 3 varin skot), Jón Ólafur Jónsson 12, Pálmi Freyr Sigurgeirsson 9, Sean Burton 8 (8 stoðs.), Emil Þór Jóhannsson 5.
Dominos-deild karla Mest lesið Segja Sölva hæðast að Bröndby Fótbolti Segir hetju Evrópumeistaranna ljúga Fótbolti Fór holu í höggi í beinni í sjónvarpinu Golf Enska augnablikið: Mætti sköllóttur á Old Trafford Enski boltinn Fékk flugeld í punginn í leik Fótbolti Slagsmál stuðningsmanna fyrir utan Ölver: „Allir með grímu fyrir andlitið og réðust á okkur“ Fótbolti Fékk rautt spjald fyrir að toga í hár mótherja Íslenski boltinn Enska augnablikið: Grætti barnið en var slétt sama Enski boltinn Nunez farinn frá Liverpool Enski boltinn Hafþór Júlíus í öðru sæti eftir fyrri daginn Sport Fleiri fréttir Stelpurnar spila um sjöunda sætið á Eurobasket „Þeir eiga allir skilið að fara í lokahópinn“ Stelpurnar Norðurlandameistarar og strákarnir fengu silfur Þýskaland lagði Slóvena í undirbúningi fyrir Eurobasket Celtics festa þjálfarann í sessi NBA stjarna borin út Litáen of stór biti fyrir íslensku stelpurnar Öruggar með besta árangur Íslands á EM frá upphafi Ákærður fyrir að hnupla treyju LeBron sem seldist seinna á nær hálfan milljarð Ísland í átta liða úrslit eftir ótrúlega endurkomu Dildó-faraldurinn heldur áfram í WNBA Sigtryggur Arnar í mjög fámennan hóp í sögu landsliðsins „Hættiði að henda dildóum inn á völlinn“ Stórskotasýning Sigtryggs dugði ekki til sigurs Trúðurinn Arenas í vondum málum eftir handtöku Grindavík fær leikstjórnanda frá Grikklandi Stórt tap á Ítalíu Ísland mátti þola stórt tap Luka framlengir til þriggja ára í Los Angeles Fékk vægt áfall: „Með fullt af missed calls“ Stjórnendur NBA reyna að sannfæra Real Madrid og fleiri forrík félög KR sækir ungan bakvörð „Sýna að maður eigi það skilið“ Segir að þeim besta í heimi sé skítsama Álftanes bætir Bandaríkjamanni við hópinn „Númer eitt, tvö og þrjú að knúsa þau sem mest“ Callum Lawson aftur til Valsmanna Þrír verða heima meðan landsliðið fer til Ítalíu Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Semple til Grindavíkur Sjá meira
Slagsmál stuðningsmanna fyrir utan Ölver: „Allir með grímu fyrir andlitið og réðust á okkur“ Fótbolti
Slagsmál stuðningsmanna fyrir utan Ölver: „Allir með grímu fyrir andlitið og réðust á okkur“ Fótbolti