Líkur á enn frekari fækkun starfa

Vandinn sem þjóðin býr við í dag er heimatilbúinn og aðgerðaleysi eykur enn á vandann, sagði Vilmundur Jósefsson, framkvæmdastjóri Samtaka atvinnulífsins, á fundi samtakanna á Akureyri í morgun.

Fram kemur á fréttavef SA að formaður samtakanna og framkvæmdastjóri hafi lýst yfir vilja til samstarfs við aðra aðila á vinnumarkaðnum og ríkisstjórnina um að snúa af braut stöðnunar og atvinnuleysis. Ný störf og sókn í atvinnulífinu sé forsenda fyrir því að hægt sé að greiða niður skuldir ríkisins á næstu árum og spara þjóðinni þar með háar fjárhæðir sem fari að öðrum kosti í greiðslu vaxta.

SA kynntu á fundinum nýja könnun meðal fyrirtækja innan SA en samkvæmt henni eru horfur um fækkun starfa á almennum vinnumarkaði ef ekki tekst að snúa þróuninni við. Sex af hverjum tíu aðildarfyrirtækjum SA hyggjast ekki gera breytingar á starfsmannafjölda á næstu sex mánuðum, 16% áforma fjölgun starfsmanna en 25% hyggjast fækka þeim.