Ísland tapaði líka fyrir Brasilíu

Ísland tapaði öllum þremur leikjum sínum á æfingamóti sem lauk í Hollandi í dag. Ísland laut í lægra haldi fyrir Brasilíu í dag, 24-17.

Ísland tapaði einnig fyrir Hollandi og Svartfjallalandi um helgina en Ísland er nú að undirbúa sig fyrir úrslitakeppni EM sem fer fram í Danmörku í desember.

Karen Knútsdóttir var markahæst í íslenska liðinu með fjögur mörk og Berglind Íris Hansdóttir varði 22 skot í markinu.

Aðrir markaskorarar Íslands:

Arna Sif Pálsdóttir 3

Hrafnhildur Skúladóttir 3

Harpa Sif Eyjólfsdóttir 2

Rut Jónsdóttir 2

Sunna Jónsdóttir 1

Ásta Birna Gunnarsdóttir 1

Anna Úrsúla Guðmundsdóttir 1