Lýst eftir stolnum Polo

Glænýrri Volkswagen Polo bifreið var stolið frá Heklu miðvikudaginn 17. febrúar síðastliðinn. Um er að ræða nýja gerð Volkswagen Polo, með skráningarreynslunúmerið RN325 sem er rautt númer. „Bifreiðin sem er mjög áberandi appelsínugul á litinn, er á álfelgum og samlit allan hringin.

Allt eins er líklegt að skipt hafi verið um bílnúmer á bifreiðinni," segir í tilkynningu frá Heklu.

Þeir sem hafa orðið var við bifreiðina eru beðnir um að hafa samband við lögreglu höfuðborgarsvæðisins í síma 440 1000.