Besti flokkurinn og Samfylkingin eru byrjuð í samningaviðræðum

Besti flokkurinn og Samfylkingin eru byrjuð í samningaviðræðum um meirihlutasamstarf í borgarstjórn Reykjavíkur.

Þetta varð meðal annars niðurstaða leynifundarins í dag, sem Besti flokkurinn auglýsti reyndar á Facebook-síðu sinni.

Jón Gnarr sagði svo í fréttum Ríkissjónvarpsins í kvöld að hann hefði gert kröfu um borgarstjórastólinn. Ekkert hefur verið ákveðið hvað það varðar.

Þá kom einnig í ljós að Dagur B. Eggertsson, oddviti Samfylkingarinnar, hefur ekki séð þættina The Wire, en Jón segir Dag hafa gert það óviljandi. Jón hefur áður sagt að það sé ófrávíkjanleg krafa Besta flokksins að samstarfsflokkurinn hafi horft á þættina The Wire.