N1-deild kvenna: Góðir sigrar hjá Haukum og Val

Tveir leikir fóru fram í N1-deild kvenna í handbolta í kvöld þar sem Haukar og Valur fóru með góða sigra af hólmi.

Haukakonur gerðu sér lítið fyrir og skelltu Íslands -og bikarmeisturum Stjörnunnar 26-22 að Ásvöllum en topplið Vals vann ótrúlegan 31-19 sigur gegn Fylki í Fylkishöll.

Hanna Guðrún Stefánsdóttir var markahæst hjá Haukum í kvöld með 9 mörk en Harpa Sif Eyjólfsdóttir var markahæst hjá Stjörnunni með 7 mörk.

Bryndís Jónsdóttir, markvörður Hauka, var hins vegar besti leikmaður vallarins en hún varði 28 skot.

Úrslit kvöldsins:

Haukar-Stjarnan 26-22

Fylkir-Valur 19-31