Viðskipti innlent

Um 800 manns skráðir á ráðstefnu Microsoft á Íslandi

Mikill áhugi var fyrir ráðstefnu sem Microsoft Íslandi heldur í dag og á morgun á Grand Hótel. Þegar lokað var fyrir skráningu sl. föstudag voru um 800 manns skráðir, sem gerir þetta að stærsta viðburði sem Microsoft Íslandi hefur haldið hér á landi.

Ráðstefnan er haldin vegna þess að 80% hrun varð á símenntunarferðum tæknifólks á ráðstefnur erlendis í fyrra. Því ákvað Microsoft að taka saman það besta frá helstu ráðstefnunum í fyrra og flytja fyrirlesarana inn og bjóða ókeypis svo allir geti sótt ráðstefnuna án tillits til fjárhags.

Í tilkynningu um málið segir að þarna verði margt áhugavert, þótt sérstaklega sé stílað inn á atvinnufólk í faginu, lagðir vera fram spádómar um þróun tækninnar næstu 10 árin og Windows 7 kynnt, íslensk fyrirtæki sem hafa náð langt í útflutningi á hugbúnaði segja frá því hvernig þau fóru að, svo eitthvað sé nefnt.



Mest lesið


Fleiri fréttir

Sjá meira


×

Mest lesið