Mikill meirihluti á móti

Mikil andstaða er við Icesave-samninginn meðal þjóðarinnar samkvæmt könnun Capacent-Gallup fyrir Andríki.

Spurt var: Ert þú hlynnt(ur) eða andvíg(ur) því að Alþingi samþykki fyrirliggjandi frumvarp um ríkisábyrgð vegna Icesave-samninganna? Kváðust 4 prósent mjög hlynnt samþykki, tæp 16 prósent voru frekar hlynnt, rúm 20 prósent voru frekar andvíg og tæp 48 prósent mjög andvíg. Rúm 12 prósent tóku ekki afstöðu.

Könnunin var gerð 16.-27. júlí. Í úrtaki voru 1.273. Af þeim svöruðu 717. Svarhlutfall var rúmlega 56 prósent.

- bþs