FME sendi saksóknara öll gögn í fjórum málum

Fjármálaeftirlitið (FME) hefur sent sérstökum saksóknara öll gögn sem FME hefur aflað í fjórum málum. Þetta kemur fram í fyrirspurn Fréttastofu til FME.

Fréttastofa hafði samband við FME í framhaldi af því að eftirlitið og sérstakur saksóknari hafa gert með sér samkomulag um verklagsreglur sín í millum en vangaveltur hafa verið um hvort bankaleynd sem FME telur á skýrslum sínum sé aflétt að hluta með fyrrgreindu samkomulagi.

Í fyrirspurninni var spurt hvort nú þegar Fjármálaeftirlitið og sérstakur saksóknari hafa sett sér samskiptareglur, þýði það að sérstakur saksóknari fái skýrslurnar?

Svar FME hljóðar svo: „Reglurnar hafa það markmið að greiða fyrir upplýsingaflæði milli aðila, stuðla að auknum skilningi á verkaskiptingu aðila og koma í veg fyrir að mál verði rannsökuð samtímis á fleiri en einum stað. Þær breyta þó ekki þeirri verkaskiptingu sem lög gera ráð fyrir.