NBI tryggir líf fyrirtækja

Landsbankinn (NBI) mun velja samningaleið um lausn skuldamála fyrirtækja í greiðsluerfiðleikum sé þess kostur fremur en að láta þau fara í þrot. Í einhverjum tilvikum verður ekki hjá því komist að taka einhver yfir.

Þetta kemur fram í nýjum leiðbeiningum bankans um aðgerðir vegna greiðsluerfiðleika fyrirtækja og bankaráð NBI hefur samþykkt og birti í gær. Bankinn fylgir þar fordæmi Glitnis, en stjórn hans samþykkti slíkar reglur í desember síðastliðnum.

Bankarnir hafa stofnað umsýslufélög fyrir lífvænleg fyrirtæki sem hafa lent í greiðsluerfiðleikum og þeir tekið yfir. Yfirtaka verður gerð með það fyrir augum að tryggja rekstur fyrirtækjanna og tryggja vinnu starfsfólks, líkt og segir í reglum bankans. - jab