Föroya Banki sækir um 5 milljarða lán í Bankpakke II

Föroya Banki hefur ákveðið að sækja um lán til danskra stjórnvalda, úr svokölluðum Bankpakke II. Alls er um 212 milljónir danskra kr. að ræða eða um 5 milljarða kr. sem er hámarkið sem bankinn getur sótt um.

Í tilkynningu um málið segir að lánið muni auka eiginfjárhlutfall bankans úr 21% og í 24%. Ástæðan fyrir lántökunni er að bankinn vill styrkja sig til að komast í gegnum fjármálakreppuna.

"Þar að auki vill stjórn bankans að bankinn ráði fyrir mesta mögulega fjármagni til að uppfylla markmið sín og frekari viðskiptaþróun bankans," segir í tilkynningunni. "Þar með að taka þátt í þeirri samþjöppun sem er að verða í danska bankageiranum."