Innlent

Fjöldi svínaflensutilfella komið upp í 72

Guðjón Helgason skrifar
Sjötíu og tveir hafa greinst með svínaflensu, nýju H1N1 inflúensunna, á Íslandi samkvæmt upplýsingum frá Landlækni. Sýktum hefur því fjölgað um níu frá í gær. Bóluefnis er fyrst að vænta til Íslands í september eða október.

Ekki er vitað um alvarleg tilfelli flensunnar hér á landi. Haraldur Briem, sóttvarnarlæknir, sagði í samtali við fréttastofu í morgun að bóluefnis væri fyrst að vænta til Íslands á tímabilinu fimmtánda september til fimmtánda október. Það er samkvæmt áætlun lyfjarisans Glaxo Smith Klein en íslensk yfirvöld kaupa bóluefni frá þeim samkvæmt útboði og samning frá árinu 2007 þar sem samið var um kaup á bóluefni gegn heimsfaraldri flensu. Fyrirvara séu vissulega settir um mögulega vandamál í framleiðsluferlinu en það eigi við um alla framleiðendur. Bóluefni komi síðan til Íslands í fjórum sendinum fram að áramótum.

Lyfjaframleiðandinn Sanofi-Aventis hóf tilraunir með sitt bóluefni í gær og Novartis eru startholunum. Glaxo Smith Klein ráðgerir að hefja tilraunir sínar síðar í mánuðinum. Með þessum tilraunum segir að skýrist hvort bólusetja þurfi einu sinni að tvisvar fyrir flensunni.

Mest lesið


Fleiri fréttir

Sjá meira


×

Mest lesið