Alveg gáttaður á ummælum Jóns Ásgeirs um aðkomu Davíðs

"Ég er eiginlega alveg gáttaður á þessum orðum Jóns Ásgeirs enda eru þau fjarstæða," segir Lárus Finnbogasonm formaður skilanefndar Landsbankans um þau ummæli Jóns Ásgeirs Jóhannessonar um að greiðslustöðvun Baugs sé runnin undan rifjum Davíðs Oddssonar seðlabankastjóra.

Jón Ásgeir lét þessi ummæli falla í samtali við fréttastofu RUV fyrr í dag. Sagði þar að Davíð hefði sett það skilyrði fyrir brottför sinni úr Seðlabankanum að Baugur yrði settur í þrot.

Lárus Finnbogason segir að hann skilji ekki hvernig menn geti haft hugmyndarflug til að setja svona nokkuð fram opinberlega.

"Staðreyndin er að ég hef aldrei rætt við Davíð Oddson, hvorki um þetta eða önnur mál," segir Lárus.