Þurfa hugsanlega að greiða hundruð milljóna vegna rangra framtalsskila

Fyrirtæki sem hafa verið tekin yfir með skuldsettri yfirtöku geta lent í því að greiða hundruð milljóna tilbaka auk álaga vegna rangra framtalsskila. Ríkisskattstjóri hefur nú þrjú fyrirtæki til rannsóknar og er ætlunin að nota þau mál sem fordæmisgefandi fyrir frekari rannsóknir.

Sendiherra Íslands í Bretlandi, ríkislögmaður og þjóðréttarfræðingur komu til fundar við ráðherra í Alþingishúsinu í morgun. Í yfirlýsingu ríkisstjórnarinnar sem birt var í hádeginu, segir að samkvæmt áliti breskrar lögmannsstofu séu litlar sem engar líkur á að hægt sé að hnekkja kyrrsetningu eigna Landsbankans á grundvelli hryðjuverkalaga og engar líkur á að íslenska ríkið myndi fá dæmdar skaðabætur fyrir breskum dómstólum.

Auk þess að styðja málshöfðun skilanefndar Kaupþings hyggst ríkisstjórnin í staðinn kanna til þrautar aðra möguleika til alþjóðlegrar málshöfðunar, bæði fyrir Mannréttindadómstól Evrópu og Alþjóðadómstólnum.