Kröfulisti Landsbankans: Glitnir með 90 milljarða kröfu

Glitnir gerir kröfur upp á rúmlega 90 milljarða kr. í þrotabú Landsbankans. Þetta kemur fram í kröfulista Landsbankans. Raunar gera flestar lánastofnanir sem og opinberar stofnanir háar kröfur í þrotabúið.

Nefna má að Nýji Landsbankinn gerir kröfur upp á rúmlega 70 milljarða kr. Þá eru kröfur fjármálaráðuneytið gerir kröfu upp á rúma 80 milljarða kr. og Seðlabankinn er með kröfu upp á rúma 17 milljarða kr.

Þá gerir Reykjavíkurborg rúmlega 10 milljarða kröfur í þrotbúið og athygli vekur að Fjármálaeftirlitið er með kröfu upp á 117 milljónir kr. Landsvirkjun er með 1,4 milljarða kr. kröfu.

Sparisjóðabankinn (Icebank) gerir kröfu upp á tæpa 80 milljarða kr. og Byr Sparisjóður gerir kröfur í búið upp á hátt í 3 milljarða kr.