Auður Capital tekur við viðbótalífeyrissparnaði

Einstaklingum býðst nú að láta Auði Capital sjá um umsýslu og ávöxtun viðbótarlífeyrissparnaðar. Þessi nýja þjónusta nefnist FramtíðarAuður-séreign.

Í tilkynningu frá Auði Capital segir að ávinningur launþega af séreignasparnaði sé ótvíræður og vilji Auður hvetja til þess að fólk haldi áfram að leggja í séreignarsparnað með því að bjóða upp á valkost sem veitir raunverulegt mótvægi við þá kosti sem í boði eru.

Segjast talsmenn Auðar Capital leggja sérstaka áherslu á gagnsæi, óháða stöðu, áhættumeðvitund og langtímaárangur sem vörsluaðili séreignasparnaðar.