Íhuga málsókna vegna dótturfélags Milestone

Erlendir kröfuhafar í gamla Glitni íhuga nú málsókn á hendur sænska ríkinu vegna Moderna, dótturfélags Milestone. Sænska fjármálaeftirlitið vill selja Moderna á brunaútsölu sem myndi þýða tugmilljarða tap fyrir gamla Glitni.

Moderna er skrásett í Svíþjóð en félagið er eigu bræðranna Karls og Steingríms Werneressona. Meðal félaga í eigu Moderna má nefna Tryggingafélagið Sjóvá og Askar Capital. Sænska fjármálaeftirlitið vill nú taka Moderna yfir og selja eignir þess á niðursettu verði.

Skilanefnd Glitnis hefur hins vegar sóst eftir því að fá að taka yfir íslenskar eignir Moderna og setja að auki pening inn í rekstur félagsins.Með þessu vill skilanefndin koma í veg fyrir að verðmæti glatist.

Verði eignirnar seldar nú, eins og svíarnir vilja, mun Gamli Glitnir tapa kröfum upp á tugi milljarða króna. Erlendir kröfuhafar gamla Glitnis hafa stutt ákvörðun skilanefndar enda ljóst að tap Glitnis verður á endanum þeirra tap.

Samkvæmt heimildum fréttastofu íhuga þessir kröfuhafar að höfða skaðabótamál á hendur sænska ríkinu verði sænska fjármálaeftirlitið ekki við beiðni skilanefndar. Árni Tómasson, formaður skilanefndar Glitnis, vildi ekki staðfesta þetta í samtali við fréttastofu en vísaðu þessu heldur ekki á bug.

Hann sagði að kröfuhafarnir hafi sent sænska fjármálaeftirlitnu bréf í síðsta mánuði þar sem þess er meðal annars óskað að svíar verði við beiðni skilanefndar. Að öðru leyti sagðist Árni ekki geta tjáð sig um innihald bréfsins.