Maður stangaður til bana í Pamplona

Maður lést eftir að naut stangaði hann í hinu árlega nautahlaupi í spænsku borginni Pamplona í morgun. Nautið hljóp manninn niður og hafði svo horn í síðu hans. Aðrir hlauparar gerðu sitt besta til að beina athygli nautsins frá manninum, börðu það með prikum og toguðu í hala þess en allt kom fyrir ekki. Nautahlaupið er vikulöng hátíð sem Hemingway gerði ódauðlega í skáldsögunni The Sun Also Rises. Hlaupið fer fram snemma morguns og hafa þátttakendur þá oft setið að drykkju alla nóttina.