Óvíst um afstöðu Kaupþings til greiðslustöðvunarbeiðni Baugs

Finnur Sveinbjörnsson, bankastjóri Kaupþings, segir að ekki hafi verið tekin ákvörðun um það hvort bankinn muni samþykkja ósk Baugs um greiðslustöðvun. Slík beiðni var send til Héraðsdóms Reykjavíkur í dag. Skuldir Baugs hjá Kaupþingi fylgdu eignum sem voru færðar frá gamla bankanum yfir í þann nýja. Skuldir Baugs við Glitni eru enn inni í gamla bankanum á þeim bænum. Árni Tómasson, formaður skilanefndar Glitnis, segir í samtali við Viðskiptablaðið í dag að nefndin hyggist hafna ósk Baugs um greiðslustöðvun.