Lýsi fékk Varðbergið

Lýsi hf. hefur hlotið forvarnarverðlaunin Varðbergið. Það er Tryggingamiðstöðin sem veitir verðlaunin árlega þeim viðskiptavin sem þykir skara fram úr á sviði forvarna gegn óhöppum og slysum. Tryggingamiðstöðin veitti jafnframt fyrirtækjunum Guðmundi Tyrfingssyni ehf. og Síldarvinnslunni hf. sérstaka viðurkenningu fyrir starf í þágu forvarna.

„Við hjá Lýsi hf. leggjum mikla áherslu á forvarnarstarf og gæði. Fyrirbyggjandi viðhald, öflugt öryggiskerfi og ekki síst öflugt brunavarnakerfi. Að undanförnu höfum við unnið sérstaklega að því að fækka óhöppum sem tengjast bílaflotanum og árangurinn hefur verið ótrúlega góður. Okkur þykir mjög vænt um þessa viðurkenningu frá TM. Hún er okkur mikil hvatning," segir Katrín Pétursdóttir, forstjóri Lýsis hf, í tilkynningu sem send var út vegna verðlaunanna.