Áhugi erlendra fjárfesta á Íslandi fer vaxandi

Áhugi erlendra fjárfesta á Íslandi fer nú vaxandi. Þórður Hilmarsson forstöðumaður Fjárfestingarstofu segir að fleiri leiti nú til stofunnar en á sama tíma í fyrra og spyrjist fyrir um fjárfestingartækifæri á Íslandi.

Aðspurður um ástæðuna fyrir þessum aukna áhuga segir Þórður að það sé sennilega vegna þess hve krónan hefur veikst mikið frá því í janúar í fyrra. "Það er nú orðið mun hagstæðara en áður fyrir erlendra fjárfesta að koma hingað til lands," segir Þórður.

Fyrir utan fyrirspurnir segir Þórður að nokkrir aðilar hafi komið til Íslands til að skoða málin og kynna sér það sem er í boði.

Það sem erlendir fjárfestar hafa einkum áhuga á í augnablikinu er kísilhreinsun, álþynnuframleiðsla og uppsetning á gagnaverum.