Dzeko vill fara til Milan

Sóknarmaðurinn Edin Dzeko segir að hann vilji ganga í raðir AC Milan þegar tímabilinu lýkur í Þýskalandi þar sem hann leikur með Wolfsburg.

Dzeko var sterklega orðaður við Milan í sumar en ekkert varð úr því að hann færi til Ítalíu.

„Þessu máli er ekki lokið," sagði Dzeko við ítalska fjölmiðla. „Ég hef þegar sagt forráðamönnum Wolfsburg að ég vilji fara til Milan. Ég hef ávallt verið stuðningsmaður félagsins og vill fara þangað í júní."

Wolfsburg er sagt vilja fá um 30 milljónir evra fyrir Dzeko sem hefur einnig verið orðaður við Manchester United.