Straumur-Burðarás úr landi

Stjórnendur Straums Burðaráss íhuga að flytja lögheimili bankans frá Íslandi til London eða Svíþjóðar, samkvæmt því sem Financial Times hefur eftir William Fall, forstjóra fyrirtækisins.

Hann segir að auðveldasta leiðin til að ná fram áætlunum bankans sé samstarf við breska aðila. Jafnframt komi til greina að skrá hann í Svíþjóð, ef heppilegri samstarfsaðili finnist þar. Hann bendir á að ekkert fjármagnsflæði sé á Íslandi og með flutningnum yrði bankinn fjarlægari fjármálakreppunni á Íslandi.

Björgólflur Thor Björgólfsson, stjórnarformaður Straums Burðaráss og stærsti hluthafinn, segir við blaðið að það hafi lengi verið ætlunin að flytja bankann frá Íslandi og gera hann að alþjóðlegum banka.