Etherington til Stoke

Stoke City hefur fest kaup á kantmanninum Matthew Etherington frá West Ham og er á höttunum eftir tveimur leikmönnum í viðbót á næstu dögum.

Etherington verður kynntur til sögunnar hjá Stoke í dag en auk hans eru Stoke menn að reyna að fá framherjann Marlon Harewood frá Aston Villa fyrir um 2 milljónir punda og miðjumanninn Joe Ledley frá Cardiff.

Stoke gerði 6 milljón punda tilboð í Ledley í sumar en því var ekki tekið.

Þá er sagt að Henri Camara hjá Wigan sé hugsanlega inni í myndinni hjá Stoke ef félaginu tekst ekki að landa Harewood frá Villa.