Olíuframleiðsan eykst hjá Atlantic Petroleum

Olíuframleiðslan hjá Atlantic Petroleum hefur aukist um 2.150 tunnur á dag eftir að ný borhola á Chestnut-svæðinu komst í gagnið.

Í tilkynningu frá félaginu segir að þetta þýði að heildarframleiðsla Atlantic Petroleum á Chestnut muni verða töluvert meiri en þær 1,5 milljón tunnur sem talið var í fyrstu.

Wilhelm Petersen forstjóri félagsins segir að Chestnut gefi nú þegar af sér olíumagn sem sé í efri kantinum m.v. væntingar sem félagið gerði til svæðisins.

"Með tilkomu þessarar nýju holu hefur Chestnut sýnt að svæðið er mjög mikilvæg eign fyrir félagið," segir Petersen.