Hætti í fótbolta þegar ég kemst ekki lengur í landsliðið

Gianlugi Buffon, markvörður Juventus og ítalska landsliðsins, hefur greint frá því að hann muni leggja hanskana á hilluna þegar ítalska landsliðið þarf ekki lengur á kröftum hans að halda.

Buffon mun leika sinn 100. landsleik fyrir Ítalíu á morgun gegn Hollandi.

„Ég hef lagt hart að mér til að ná þessum áfanga. Landsliðið hefur alltaf skipt mig miklu máli," sagði Buffon sem hefur hrist af sér flensu og er klár í leikinn.

„Það er frábært að ná 100 leikjum. Eins og ég segi er landsliðið mér kært og það mun ráða því hvenær ég hætti í fótbolta. Þegar Ítalía hættir að hringja þá er ég mjög nálægt því að hætta."