Lögreglan óskar aðstoðar við rannsókn 11-11 ránsins

Tveir menn voru við vinnu í 11-11 versluninni í Skipholti þegar tveir ræningjar vopnaðir hnífum ógnuðu þeim og flúðu á brott með þýfi. Starfsmennina sakaði ekki, samkvæmt upplýsingum frá lögreglunni.

Ræningjarnir flúðu á tveggja dyra bláum smábíl, sem líklegast er dældaður á hægri hlið. Við gatnamótin við Skipholt og Háteigsveg var bláu bifreiðinnni ekið í veg fyrir vínrauðan fólksbíl.

Lögreglan á höfuðborgarsvæðinu óskar eftir því að ökumaður vínrauða fólksbílsins gefi sig fram við lögreglu. Einnig ef að vitni voru að ráninu eða flótta ræningjanna. Hafa skal samband við lögregluna í síma 4441104.