Áréttar að Þjóðverjar sem áttu inni í Kaupþingi fái greitt

Vegna ummæla Ólafs Ragnars Grímssonar forseta Íslands í þýsku útgáfunni af Financial Times hefur skilanefnd Kaupþings sent frá sér tilkynningu þar sem það er áréttað að þeir Þjóðverjar sem áttu fé inni á Edge-reikningum Kaupþings muni fá fé sitt endurgreitt.

Í tilkynningunni er vísað til þess sem kom fram á fundi með þýskum kröfuhöfum bankans í síðustu viku um að féið verði endurgreitt.

Jafnframt kemur fram að Kaupþing hefur næga sjóði til að standa straum af þessum greiðslum og ekkert af þeim lendi á íslenska ríkinu.

Einu hnökrarnir á greiðslum eru að DZ bankinn hefur lagt hald á 55 milljónir evra sem skilanefndin telur að tilheyri Edge-reikningunum. Reiknar nefndin með að fá þá upphæð greidda frá DZ og verður hún notuð um leið til að gera upp við eigendur Edge-reikninganna.