Tilgangur lánanna var Svíum fullljós

„Þeim var vel ljóst að þessi lántaka var hugsuð til þess að byggja upp öflugan gjaldeyrisvarasjóð en ekki til útgjalda," segir Jón Sigurðsson, formaður samninganefndar Íslendinga gagnvart Norðurlöndunum.



Lánin standa á sér

Eins og kunnugt er hafa Norðurlöndin lofað Íslendingum láni til að treysta gjaldeyrisvaraforðann. Loforðið var gefið í samhengi við samning Íslands við Alþjóðagjaldeyrissjóðinn. Endurskoðun samningsins við AGS hefur hins vegar ítrekað frestast á þeirri forsendu að Norðurlöndin hafa enn ekki greitt sín lán.

Í skýrslu sem sænska ríkisstjórnin skilaði til sænska þingsins fyrir um mánuði kemur fram að stjórnvöld á hinum Norðurlöndunum hafa áhyggjur af því að Íslendinga eyði gjaldeyrislánum sem samið hefur verið um við Norðurlöndin í Icesave skuldbindingar.



Ekkert í afstöðu Norðurlandanna kemur á óvart

Skýringar Norðurlandanna standast ekki eftir því sem Jón segir. Hann segir hins vegar að frá fyrsta degi í samtölunum við Norðulandasamninganefndina, sem Svíar fóru fyrir, hafi þeir gert ráð fyrir að lausn fengist á Icesave deilunni „Ekkert í afstöðu Norðurlandaþjóða kemur á óvart, að mínu áliti, miðað við framgöngu þeirra í samtölum við okkur og við íslenska ráðamenn. Ekki eingöngu við mig sem formann samninganefndarinnar heldur líka við fjármálaráðherrann," segir Jón Sigurðsson.