Þrjátíu manns hætta hjá Sparisjóðabankanum

Sparisjóðabanki Íslands, sem áður hét Icebank, segir upp 18 starfsmönnum um þessi mánaðamót. Að auki hefur verið samið um starfslok við 12 aðra starfsmenn. Þeir munu hætta á næstu mánuðum. Að auki eru fjórar konur sem starfa hjá bankanum í barneignaleyfi og verður ekki unnt að ráða í þeirra stað. Agnar Hansson, forstjóri Sparisjóðabankans, segir að fólkið, sem sagt var upp, hafi þriggja til sex mánaða uppsagnafrest.

Agnar segir að hluti starfseminnar hafi verið í miklum rólyndisgír frá bankahruninu mikla í haust. Vissir hlutar starfseminnar, svo sem greiðslumiðlunin, gangi vel en það séu þó þau miklu alþjóðasamskipti sem bankinn hafi sem haldi í honum lífi.