Verðbólgan mælist nú 18,6% á ársgrundvelli

Verðbólgan mælist nú 18,6% á ársgrundvelli. Þetta kemur fram á vefsíðu Hagstofunnar. Er mælingin nokkuð í takt við spár greiningar Glitnis og hagfræðideildar Landsbankans.

Vetrarútsölur eru víða í gangi og lækkaði verð á fötum og skóm um 8,2%. Verð á flugfargjöldum til útlanda lækkaði um 14,5%.

Verð á mat og drykkjarvöru hækkaði um 1,8% og efni til viðhalds húsnæðis hækkaði um 3,5%. Þá hækkaði verð á nýjum bílum um 1,7% .

Fastskattavísitala neysluverðs hefur verið uppfærð á ný og er nú áfengis-, tóbaks- og olíugjaldi auk vörugjalda af bensíni haldið föstum eins og þau voru í nóvember 2008.