Um 25 fíkniefnamál í Eyjum

Alls komu um 25 fíkniefnamál upp á Þjóðhátíð í Vestmannaeyjum þessa helgina. Í flestum tilfellum var lagt hald á amfetamín í þessum málum. Tíu líkamsárásir voru kærðar en lögreglan segir að engin hafi verið mjög alvarleg. Lögreglan segir að ekkert kynferðisbrot hafi verið kært til lögreglunnar í Vestmannaeyjum þessa hátíð.

Á milli þrettán og fjórtán þúsund gestir skemmtu sér á Þjóðhátíð þetta árið. Lögreglustjóra og fulltrúar sem koma að gæslu, hátíðarhaldarar, sjúkra-og sálgæslumenn eru sammála að Þjóðhátíð hafi gengið vel þetta árið, segir í tilkynningu frá lögreglunni.