Hagfræðideild Landsbankans spáir óbreyttum stýrivöxtum

Hagfræðideild Landsbankans spáir því að Seðlabankinn haldi stýrivöxtum sínum óbreyttum við vaxtaákvörðun sína á fimmtudag. Er deildin þar sem sammála greiningu Glitnis um vextina.

Þetta kemur fram í daglegu fréttabréfi hagdeildarinnar. Eins og áður hefur komið fram spáir deildin því að verðbólga muni aukast lítillega og verða 18,3% á ársgrundvelli í janúar.

Þá kemur fram í fréttabréfinu að deildin býst við því að endurskoðaðar tölur um vöruskipti landsins í desember sem birtar verða á föstudag muni staðfesta þann metafgang á vöruskiptunum sem kom fram í bráðabirgðatölunum. Samkvæmt þeim var vöruskiptajöfnuðurinn jákvæður um 24 milljarða kr. og hefur aldrei verið meiri afgangur af vöruskiptunum við útlönd í einum mánuði.