Skoða verður ábyrgð endurskoðenda

Endurskoðendur, sem hafa ofmatið fjárhagsstöðu fyrirtækja, geta lent í því að vera ábyrgir fyrir fjárhagstjóni hlutabréfaeigenda. Skoða þarf hvaða ábyrgð endurskoðendur bera segir lektor við Háskólann í Reykjavík.

Þegar bankar lánuðu fyrir kaupum í eigin hlutabréfum voru þeir í raun að lána fé með veði í sínu eigin féi. Því má færa rök fyrir því að fjárhagsstaða bankanna sé oftalin í reikningum þeirra.

Hafi almenningur tekið ákvarðanir á grundvelli ársreikninga sem reyndust ofmeta fjárhagsstöðu bankanna og hlotið tjón af gætu endurskoðendur sem hafa skrifað upp á reikninganna verið bótaskyldir en þeir bera bæði fébóta- og refsiábyrgð.

Ólafur Ísleifsson, lektor við háskólann í Reykjavík, segir að skoða verði það vel hvort að ábyrgðin sé þeirra.

Þorvarður Gunnarsson, forstjóri Deloitte, segir að þó það sé fullkomlega löglegt að lána með veði í eigin hlutabréfum án þess að færa það sem lækkun á eigin fé þá samræmist það ekki alþjóðlegum reikningsskilastöðlum. Þorvarður segir að endurskoðendur beri ábyrgð gagnvart þeirri áritun sem þeir setja á ársreikninginn, þ.e. að hann gefi glögga mynd af rekstri og efnahag. Hinsvegar sé það stjórn fyrirtækisins sem beri ábyrgð á ársreikningnum sjálfum.