Mikill meirihluti andvígur Icesave samningunum

Nærri 68% landsmanna er andvígur frumvarpi ríkisstjórnarinnar um ríkisábyrgð á Icesave samningum, en 19,6% landsmanna eru hlynntir. Þetta sýna niðurstöður nýrrar skoðanakönnunar sem Capacent-Gallup gerði fyrir útgáfufélagið Andríki, sem gefur út Vef-þjóðviljann.

Spurt var: Ert þú hlynnt/ur eða andvíg/ur því að Alþingi samþykki fyrirliggjandi frumvarp um ríkisábyrgð vegna Icesave-samninga? Niðurstaðan varð sú að 4% sögðust vera „mjög hlynnt", 15,6% sögðust vera „frekar hlynnt", 20,3% sögðust vera „frekar andvíg" og 47,6% sögðust vera „mjög andvíg". Þá sögðust 12,5% sögðust hvorki vera hlynnt né andvíg.

Könnunin var gerð dagana 16. til 27. júlí og voru 1273 í úrtakinu. Af þeim svöruðu 717 og svarhlutfall var því 56,3%.