Greiðslustöðvun Baugs: Ákvörðun dómara kynnt síðar í dag

Arngrímur Ísberg héraðsdómari mun tilkynna síðar í dag hvort hann fallist á beiðni Baugs Group hf. um greiðslustöðvun. Málinu var frestað í síðustu viku en tekið fyrir að nýju í Héraðsdómi Reykjavíkur í dag. Upphaflega var farið fram á greiðslustöðvun í Baugi Group og nokkrum tengdum félögum en í morgun féllu Baugsmenn frá beiðni um greiðslustöðvun tengdra félaga þannig að beiðnin um greiðslustöðvun hjá Baugi Group stóð ein eftir.

Þegar dómari frestaði málinu í síðustu viku bað hann um ný gögn og voru þau lögð fram í morgun. Dómþingi hefur verið slitið og mun dómari tilkynna um ákvörðun sína síðar í dag.



Tengdu félögin sem nú hefur verið fallið frá greiðslustöðvun hjá eru:

BG Ventures ehf

M-Holding ehf

F-Capital ehf

Sólin skín ehf

Milton ehf

Unity Investments ehf

M-Invest ehf

BGE Eignarhaldsfélag ehf

Sports Investments ehf

BG Newco 5 ehf

A-Holding ehf

BG Equtiy 1 ehf

Styrkur Invest ehf

Stoðir Invest ehf