LA Clippers beit frá sér í NBA-boltanum í nótt þegar liðið gerði sér lítið fyrir og skellti meisturum Boston Celtics, 93-91.
„Þetta er einn af þessum leikjum sem maður mun aldrei gleyma. Þessi sigur kemur okkur vonandi almennilega í gang," sagði Baron Davis, leikmaður Clippers, sem hafa haft litlu að fagna í vetur líkt og venjulega.
Zack Randolph var aðalmaðurinn hjá Clippers í gær með 30 stig og þar af síðustu 3 stig leiksins.
Celtics var án Kevin Garnett og Brian Scalabrine í leiknum og svo fór Paul Pierce úr lið á þumli í leiknum sem hjálpaði eðlilega ekki til. Reyndar fór þumallinn tvisvar úr lið á Pierce í leiknum sem skoraði samt 20 stig.
Þetta var aðeins þrettánda tap Celtics og fimmtándi sigur Clippers í vetur.
Úrslit næturinnar:
Washington-Philadelphia 98-106
Indiana-Memphis 104-99
New Jersey-Chicago 111-99
New York-Orlando 109-114
Minnesota-Utah 103-120
New Orleans-Detroit 90-87
San Antonio-Portland 99-84
Dallas-Milwaukee 116-96
Denver-Atlanta 110-109
Sacramento-Charlotte 91-98
