Mourinho framlengir við Inter

Portúgalinn Jose Mourinho hefur skrifað undir nýjan samning við Inter sem gildir út leiktíðina 2012. Það má því moka yfir sögusagnir þess efnis að hann sé á leið til Real Madrid.

Mourinho byrjaði vel með Inter í vetur og gerði liðið að ítölskum meisturum.

Í yfirlýsingu á heimasíðu Inter í kvöld kemur fram að Mourinho hafi viljað halda áfram með verkefnið sitt hjá Inter.

Mourinho sagði sjálfur um helgina að lítið vantaði upp á til þess að hann yrði áfram en fastlega er búist við því að hann fái að versla eitthvað í sumar enda vill liðið komast lengra í Meistaradeildinni.