Sparisjóður Skagafjarðar eykur stofnfé um 500 milljónir

Stjórn sparisjóðsins í Skagafirði, AFL - sparisjóðs, hefur ákveðið að nýta sér heimild í samþykktum sjóðsins til að auka stofnfé sjóðsins um 500 milljónir kr. Ástæða þessa er að treysta eiginfjárgrunn sjóðsins á þeim erfiðu tímum sem nú herja á íslenskt efnahagslíf.

Fjallað er um málið á vefsíðunni feykir.is. Þar segir að í ljósi þessa hefur stjórn sjóðsins einnig tekið ákvörðun um verulegt varúðarframlag í almennan afskriftareikning útlána.

Þá hefur sjóðurinn möguleika á að styrkja eiginfjárstöðuna enn frekar með því að óska eftir 20% eiginfjárframlagi frá hinu opinbera.

Nú þegar hafa stærstu stofnfjáreigendur tryggt sölu á allri stofnfjáraukningunni eða og hafa þegar greitt inn aukið stofnfé. Aðrir stofnfjáreigendur geta nýtt heimild sína til að auka stofnfjáreign sína í sama hlutfalli.

Ljóst er að mikilvægi sjóðsins er mjög mikið bæði í Siglufirði og Skagafirði. Með þessari aðgerð er verið að treysta verulega rekstur, samkeppnisstöðu og tryggja sjálfstæði elstu peningastofnunar landsins til framtíðar.

„Þetta er í raun viðurkenning á tilvörurétti Afls Sparisjóðs og sýnir fram á það að hann fái í framtíðinni að starfa sem sjálfstæður sparisjóður og verði ekki sameinaður öðrum peningastofnunum," segir Kristján Snorrason, sparisjóðsstjóri. „Þetta er jafnframt viðurkenning á því starfi sem hefur farið fram í þeim sparisjóðum sem að Afl Sparisjóður á í. Það er Sparisjóði Skagafjarðar og Sparisjóði Siglufjarðar."