Eldur í efnalauginni rakinn til elds í þurrkara

Mikil eyðilegging varð á efnalauginni við Háaleitisbraut vegna elds sem þar kviknaði. Orsök eldsvoðans er rakin til þurrkara. Inn í honum var þvottur frá veitingahúsi.

Mikill svartur reykur kom frá þurrkaranum en slökkvistarf tók 20 mínútur samkvæmt varðstjóra.

Ekki er ljóst hvert tjón efnalaugarinnar er en líklega er það talsvert.

Á sama tíma og kviknaði í efnalauginni varð bílsslys við Mjóddina. Þangað fór tækjabíll og klippti einstakling út úr bifreiðinni. Það slys reyndist ekki jafn alvarlegt og álitið var í fyrstu.

Greiðlega gekk að sinna báðum útköllum að sögn varðstjóra.