Þrjóska Davíðs Oddssonar vekur athygli erlendis

Flestir allir stærri fjölmiðlar á Norðurlöndunum fjalla í dag um þrjósku Davíðs Oddssonar seðlabankastjóra við að hverfa úr embætti sínu.

Í Verdens Gang, stærsta blaði Noregs, segir að Davíð Oddsson hafi sagt að tilraunir Jóhönnu Sigurðardóttur forstæitsráðherra við að koma honum frá völdum séu "hlægilegar".

Flestir miðlanna vitna í þau orð Davíðs að hann hafi aldrei hlaupið frá neinu verki sem hann hafi tekið að sér.

Stærri fréttaveitur á borð við Reuters og Bloomberg fjalla ítarlegar um málið en norrænu fjölmiðlarnir enda eru þær fréttir unnar af íslenskum fréttariturum þeirra.