Þýskum ferðamönnum komið til byggða

Björgunarsveitarmenn Landsbjargar komu þýsku pari til hjálpar í nótt, eftir að konan hafði snúið sig illa á fæti og fólkið hafði villst af leið á Fimmvörðuhálsi á milli Skóga og Þórsmerkur.

Það var í gærkvöldi sem ferðafólk lét vita að parið væri í erfiðleikum vegna meiðsla konunnar. Þyrla Landhelgisgæslunnar var þá send á vettvang til að sækja fólkið en fann það ekki og varð frá að snúa vegna eldsneytisleysisskorts upp úr miðnætti.

Björgunarsveitarmenn voru þá sendir til leitar og fundu þeir fólkið um þrjú leitið í nótt. Þeir komu með fólkið til byggða á sjöunda tímanum í morgun og var konunni komið undir læknishendur.