Salan hjá Alfesca drógst saman um 3,4%

Salan hjá Alfesca drógst saman um 3,4% á fjórða ársfjórðungi síðasta árs. Í heildina nam salan tæplega 250 milljónum evra eða um 42 milljörðum kr. Alfesca býst áfram við erfiðu efnahagsumhverfi eða því er segir í tilkynningu.

Af einstökum vörutegundum minnkaði sala á laxi og öðrum fisktegundum um 0,2%, á gæsalifur og andaafurðum um 3,2% og á blini og smurréttum um 4,7%. Þá minnkaði sala á rækjum og skelfiski um 3%.

"Eins og búist var við hafði samdráttur í efnahagslífinu þau áhrif að neysla dróst saman og afleiðingarnar má sjá í sölutölum Alfesca á öðrum ársfjórðungi sem eru 3,4% lægri en á sama tíma í fyrra," segir Xavier Govare, forstjóri Alfesca.

„Þessi niðurstaða kemur í kjölfar dræmrar sölu í október og nóvember. Salan fyrir jólin í desember var hins vegar góð sem bendir til þess að neytendur hafi haldið í við sig þar til dró að hátíðunum.

Við eigum von á að erfiðleikar í efnahagslífinu haldi áfram og hafi því einnig áhrif á rekstrarniðurstöður þriðja og fjórða ársfjórðungs."