Actavis komið á Írlandsmarkað

Actavis hóf starfsemi á Írlandi í vikunni og er gert fyrir að markaðssetja meira en 120 lyf þar í landi á næstu fimm árum. Starfsmenn Actavis á Írlandi verða um 25, auk þeirra 11 sem þar eru fyrir á vegum móðurfélagsins, Actavis Group.

"Það eru mikil tækifæri á Írlandsmarkaði fyrir stórfyrirtæki eins og Actavis, sem getur boðið sjúkrahúsum og lyfsölum góða þjónustu og mikið vöruúrval," segir Tony Hynds, framkvæmdastjóri Actavis á Írlandi í tilkynningu um málið.

„Starfsfólk Actavis á Írlandi hefur mikla þekkingu á lyfjamarkaðinum hérna og fær góðan stuðning frá samstarfsfólkinu í öðrum löndum. Við stefnum að því að vaxa hratt á næstu fimm árum og það er ljóst að það verður hægt að spara verulegar fjárhæðir í írska heilbrigðiskerfinu með meiri notkun samheitalyfja frá Actavis."