Glitnir lækkar vexti

Glitnir lækkaði í gær vexti á bæði út- og innlánum.

„Með þessu hafa kjörvextir óverðtryggðra skuldabréfa hjá Glitni lækkað um 2,85 prósent, eða úr 21,85 prósentum í 19 prósent, frá 28. október síðastliðnum. Þá hafa algengustu yfirdráttarvextir lækkað um 2,05 til 3,5 prósent hjá bankanum og vextir á algengustu sparnaðarreikningum lækkað á bilinu 0,5 til 2,5 prósent á sama tíma", segir í tilkynningu bankans. Þar kemur fram sem dæmi að vaxtakostnaður á yfirdráttarláni í Námsvild bankans lækki um rúmar 36 þúsund krónur á ári og um 25 þúsund hjá einstaklingum í svonefndri Gullvild hjá bankanum. - óká