Ríkisstjórnin styður málshöfðanir gegn Bretum

Skilanefnd Kaupþings hefur afráðið að höfða mál gegn breskum stjórnvöldum og nýtur til þess fulls stuðnings ríkisstjórnarinnar, eftir því sem fram kemur í tilkynningu frá forsætisráðuneytinu. Forsætisráðherra og utanríkisráðherra hafa í dag fundað með fulltrúum skilanefndar Kaupþings.

Málshöfðunin snýst um að fá ákvörðun breskra stjórnvalda að setja dótturfyrirtæki Kaupþings, Singer & Friedlander, í greiðslustöðvun. Ekki er um skaðabótamál að ræða enn sem komið er.

Áður höfðu ráðherrarnir fundað með skilanefnd Landsbankans. Ríkisstjórnin mun einnig styðja við bakið á skilanefnd Landsbankans í hugsanlegum málaferlum á hennar vegum. Málshöfðun skilanefndar Landsbankans lýtur ekki að öllu leyti sömu tímafrestum og málshöfðun skilanefndar Kaupþings.

Geir Haarde forsætisráðherra segist í samtali við blaðamenn telja ólíklegt að íslensk stjórnvöld fari í mál við bresk stjórnvöld.

Fjallað verður um málið á ríkisstjórnarfundi í fyrramálið.