Vöruskiptin i febrúar hagstæð um 6 milljarða

Samkvæmt bráðabirgðatölum fyrir febrúar 2009 nam útflutningur rúmum 32,3 milljörðum króna og innflutningur rúmum 26,4 milljörðum króna. Vöruskiptin í janúar, voru því hagstæð um 6,0 milljarða króna samkvæmt bráðabirgðatölum.

Í frétt um málið á vefsíðu Hagfstofunnar segir að vísbendingar séu um minna verðmæti útflutts áls og minna verðmæti innflutts eldsneytis og hrá og rekstrarvara í febrúar 2009 miðað við janúar 2009.

Í fyrra var vöruskiptajöfnuður í febrúar óhagstæður um 12,4 milljarða kr..